Sumber gambar https://pixabay.com/rawpixel

Setelen disek kui, njur lanjut “membaca”

 

AWALAN

” Le . . . ”

” Opo, mbok? ”

” Adekmu iku lo, tulung dikandani. Bocah wedok kok ndablek ngono ”

Telponan karo si mbok lewat HP sore-sore. Sadurunge telpon, si mbok ku wis ngirim layang lewat WA, nanging aku ora nggagas. Banjur HP ku drrrrd… drrrrd… drrrrd… (mode bisu) bola-bali. Kaping pisan, aku ora weruh. Kaping pindo, mung tag dulit HP ne. Kaping telu, mata nglirik. Kaping papat, HP diangkat karo mbatin “oh si mbok telpon”. HP deleh siseh keyboard komputer maneh. Kaping lima, dzikir wengi ingkang suwe (*ora lucu). Kaping lima, angkat ora yo? Ora usah lah, mengko sore wae tak telpon ganti. Ngono pikirku. Jebule si mbok tetep berjuang. Jumlahe ono 9 miscall seko si mbok ku. “Iki mesti penting iki”, mbatin.

TENGAHAN

Sore, balek kerjo.

Tuuut… tuuut… tuuut.. tuuuut.. suarane HP ku nyambungno karo HP ne si mbok. Telpon sepisan ora dijawab. Telpon maneh, yo podo wae. Syukurlah seng kaping telu si mbok ngrespon.

” Ono opo, mbok, kok telpon terus? Aku lagi balek kerjo iki. ”

” Ora popo, Le.. ”

Si mbok ki wagu, misscall bola-bali kok jawabane ora popo. Piye kui. Ngerti ngono ora tak telpon balek mbooook mbook.

” Le . . “, kalem nanging piye ngono

Iki. Iki. Dramane mbok ku meh dimulai.

” sesek dadane ibu ngrasakke adekmu. Bocah balek sekolahe mesti magrib. Bar mangan ora tau gelem isah-isah. Kui kumbahan 2 ember yo durung dikumbahi. Wingi yo ra mangkat sekolah tangine kawanen. Tak jarno. Ben! “, bayangke dewe yo cara ngomonge koyo piye.

Mercone murup, lombok e murah-murah. Adekku alasan ngiyup, si mbok marah-marah. Jare si mbok, adek ku ngapusi. Jare ne adek ku, ” ra percoyo yowes “.

AKHIRAN

” adek neng ndi, mbok? ”

Timbang aku ngelu dewe, si mbok ku karo adek ku tak kon kumpul dadi siji, HP ne di-loudspeaker, ben podo-podo krungune. Eh, salah strategi. Wong 2 malah soyo rame. Seng cilik keminter, seng tuwo gak trimonan. Syaapeek.

” Opo-opo kok salah terus “, adekku mbantah

” lha menurutmu salah ora?! “, si mbok galak

” salaaah . . . “, adekku jawab

Aku kaget karo jawabane adekku. Lah, kok ngono jawabane. Gak seru dong. Piye to bocah iki.

” Laiyo ngerti salah kok mbok terus-terusno! ”

” Nek aku ono wektu kan yo tak resik i kabeh mbok . . .”

Haa??? Adekku sibuk banget po? Opo bocah sekolah saiki ki ora duwe wektu resik-resik omah to? Kok aku dadi bingung dewe ngrungokke mereka tukaran. Tukarane wagu.

Bla bla bla bla bla dan bla… Sakwise tukaran suwi kiro-kiro 13 menit, kata penutup seko si mbok kanggo adekku seng dadi andalan nek lagi ngamuk akhire metu. Hahaha

” Kono! Melu bapakmu wae! ”

Taipei.

4 KOMENTAR